شہباز شریف کا جیت کر احمد پور شرقیہ کو ضلع بنانے کا اعلان

اتنی سردی میں آپ نے جو استقبال کیا میری تھکن اتر گئی ہے،صدر مسلم لیگ ن

نواز شریف نے 2008ء سے 2018ء تک جنوبی پنجاب کی خدمت کی،ہر ضلع میں دانش سکول بناؤں گا، شہباز شریف
بہاولپور: مسلم لیگ ن کے صدر و سابق وزیر اعظم شہباز شریف نے کہا ہے کہ اگر آپ نے نواز شریف کو وزیر اعظم بنایا تو احمد پور شرقیہ کو ضلع بنائیں گے۔
احمد پور شرقیہ میں جلسہ سے خطاب کرتے ہوئے شہباز شریف نے کہا کہ 2008ء سے پہلے جنوبی پنجاب کا کیا حال ہو گیا تھا؟ نواز شریف نے 2008ء سے 2018ء تک جنوبی پنجاب کی خدمت کی۔سابق وزیر اعظم نے کہا کہ آپ جانتے ہیں نواز شریف نے جنوبی پنجاب کی کتنی خدمت کی تھی، نواز شریف نے ہر جگہ سڑکیں بنائیں، دانش سکول بنائے، یہاں امیروں کے نہیں غریبوں کے بچے جاتے ہیں۔انہوں نے کہا کہ نواز شریف نے پنجاب کے تمام ہسپتالوں میں ادویات مفت دیں، سی ٹی سکین بھی مفت کیا، ترقی مل کر دن رات محنت کر کے ہوتی ہے، انہوں نے کہا کہ آپ کے بچوں کو قرضے دیں گے تاکہ وہ اپنا کاروبار اپنے علاقے میں شروع کر سکیں۔شہباز شریف نے کہا کہ جنوبی پنجاب کے ہر ضلع میں دانش سکول بناؤں گا، جنوبی پنجاب کے سکولوں میں بچیوں کا ایک ہزار روپے وظیفہ وقف کیا، بہاولپور میں پہلی یونیورسٹی نواز شریف نے بنوائی، کیا ضلع مظفر گڑھ میں ہسپتال ہم نے نہیں بنایا؟۔سابق وزیر اعظم نے کہا کہ جنوبی پنجاب میں 2010ء کے سیلاب کے دوران میں ہر جگہ موجود تھا، اتنی سردی میں آپ نے جو استقبال کیا میری تھکن اتر گئی ہے۔

صدر مسلم لیگ ن میاں شہبازشریف کس احمد پور شرقیہ جلسہ گاہ پہنچنے پر والہانہ استقبال#ShehbazinBWP pic.twitter.com/zJgcGYdmnH

— PMLN (@pmln_org) January 23, 2024