18 ویں سندھ گیمز ایک ہفتے کیلئے مؤخر

-فوٹو: اے پی پی

کراچی: صوبے میں کھیلوں کے سب سے بڑے ایونٹ سندھ گیمز کو مؤخر کردیا گیا۔
باوثوق ذرائع کے مطابق 18 سے 21 فروری سے ہونے والے گیمز اب 24 سے 27 فروری منعقد کرانے کا فیصلہ کیا گیا ہے۔پانچ برس کے تعطل کے بعد ہونے والے 18 ویں سندھ گیمز کی کراچی اور حیدرآباد مشترکہ طور پر میزبانی کریں گے۔صوبائی حکومت کے محکمہ کھیل کی زیر نگرانی ہونے والے ان گیمز میں سندھ کے تمام 6 ڈویژن کے مرد اور خواتین کھلاڑی مختلف کھیلوں میں شرکت کریں گے۔