ملکی عدالتوں میں زیر التوا مقدمات کی تعداد 22 لاکھ 60 ہزار ہوگئی، رپورٹ

-فائل فوٹو

ویب ڈیسک: لا اینڈ جسٹس کمیشن نے جولائی تا دسمبر 2023ء مختلف ملکی عدالتوں میں مقدمات کے حوالے سے نئے اعدادوشمار جاری کردیے جس کے مطابق زیر التوا مقدمات کی تعداد میں3.9 فیصد کے ساتھ مجموعی تعداد 22 لاکھ 60 ہزار ہوگئی۔ اعلامیہ کے مطابق ملک کے مجموعی مقدمات کا 82 فیصد (18 لاکھ 60 ہزار) ضلعی عدلیہ میں زیر التوا ہے جبکہ زیر التوا مقدمات میں 18 فیصد سپریم کورٹ ، ہائیکورٹس اور فیڈرل شریعت کورٹ میں زیر التوا ہیں۔اعلامیہ کے مطابق گزشتہ 6 ماہ میں 2.38 فیصد (23 لاکھ 80 ہزار) مقدمات کا اندراج جبکہ 22 لاکھ 30 ہزار مقدمات کا فیصلہ کیا گیا جبکہ ہائیکورٹس زیر التوا مقدمات میں 81 فیصد سول اور 19 فیصد فوجداری مقدمات ہیں۔اعلامیہ کے مطابق ضلعی عدلیہ میں زیر التوا مقدمات میں 64 فیصد سول 36 فیصد فوجداری مقدمات ہیں۔