پنجاب پنک گیمز 2024ء، تیسرے روز بھی مختلف مقابلے ہونگے

ٹیبل ٹینس کے مقابلے سہ پہر 3 تا شام 5 بجے کھیلے جائیں گے ، کرکٹ ٹیپ بال دن 11 سے شام 5 بجے تک کھیلے جائیں گے-

لاہور : سپورٹس بورڈ پنجاب کے زیراہتمام پہلی وزیراعلیٰ پنجاب پنک گیمز 2024ء کے تیسرے روز بھی مختلف مقابلوں کا اہتمام کیا جارہا ہے۔
ہاکی کا پہلا سیمی فائنل پنجاب یونیورسٹی بمقابلہ لاہور کالج فاروومن یونیورسٹی کے درمیان دوپہر 3 بجے کھیلا جائے گا جبکہ دوسرا سیمی فائنل بہاوالدین زکریا یونیورسٹی بمقابلہ سپیئرئیر یونیورسٹی شام 5 بجے کھیلا جائے گا۔باسکٹ بال کا پہلا سیمی فائنل جی سی یونیورسٹی سیالکوٹ بمقابلہ یونیورسٹی آف سرگودھا صبح 10.30 پہ کھیلا جائے گا، دوسرا سیمی فائنل جی سی لاہور بمقابلہ گورنمنٹ کالج فاروومن یونیورسٹی لاہور دن 11:45 بجے کھیلا جائے گا ۔بیڈمنٹن کا پہلا سیمی فائنل پنجاب یونیورسٹی بمقابلہ فارمن کرسچین یونیورسٹی جبکہ دوسرا سیمی فائنل بہاؤالدین زکریا یونیورسٹی بمقابلہ یونیورسٹی آف لاہور سہ پہر3بجے کھیلے جائیں گے۔ٹیبل ٹینس کے مقابلے سہ پہر 3 تا شام 5 بجے کھیلے جائیں گے ، کرکٹ ٹیپ بال دن 11 سے شام 5 بجے تک کھیلے جائیں گے۔