کیوبن صدر کی قیادت میں امریکی سفارت خانے پر غزہ کی حمایت میں ریلی
کیوبا میں غزہ کی حمایت میں نکالی گئی ریلی میں فلسطین کی حمایت میں نعرے بازی کی گئی، فوٹو: رائٹرز
ہوانا: کیوبا کے صدر کی قیادت میں فلسطینیوں کی حمایت میں ریلی نکالی گئی جو امریکی سفارت خانے کے سامنے سے گزری تو شرکاء نے امریکا کے خلاف نعرے بازی کی۔العربیہ نیوز کے مطابق کیوبا میں اسرائیلی جارحیت کے خلاف اور فلسطینیوں کی حمایت میں ایک ریلی نکالی گئی جس میں شہریوں کی بڑی تعداد نے جوش و خروش کے ساتھ شرکت کی۔ریلی کے شرکاء نے فلسطینی جھنڈے اور بینرز اُٹھا رکھے تھے جن میں غزہ پر بمباری بند کرنے اور اسرائیل کے خلاف جنگی جرائم کی تحقیقات کا مطالبہ کیا گیا تھا۔
#GazaHolocaust #Palestine
Pro-Palestine rally 🇵🇸⚡Cuban President & PM Lead Massive Pro-Palestine Protests Outside U.S. Embassy In Havanahttps://t.co/BQJ9ibXCV6 pic.twitter.com/XhvucYVUhV
— Bhavika Kapoor (@BhavikaKapoor5) November 24, 2023
اس ریلی کی قیادت کیوبا کے صدر میگوئل ڈیاز کینیل نے کی اور جب ریلی امریکی سفارت خانے پر پہنچی تو شرکا نے امریکا کے خلاف بھی نعرے بازی کی۔ ریلی نے ایک گھنٹے تک علاقے کا گشت بھی کیا۔ریلی سے خطاب میں رہنماؤں نے اسرائیل اور امریکا پر کڑی تنقید کرتے ہوئے عالمی برادری سے غزہ پر بمباری کو مستقل بنیادوں پر بند کرانے کے لیے اپنا کردار ادا کرنے کا مطالبہ بھی کیا۔کیوبا کی وزارتِ داخلہ نے دعویٰ کیا ہے کہ غزہ ریلی میں ایک لاکھ افراد نے شرکت کی جن میں اکثریت نوجوان طلبا کی تھی۔
