ٹی 20 انٹرنیشنل: پہلی بار گرین شرٹس کو سال میں 13 میچز میں شکست

2019ء میں 8 ناکامیاں پاکستان کے ہاتھ آئیں، اس بار 13 شکستوں کا بدترین ریکارڈ بن گیا ہے

لاہور: (ویب ڈیسک) پاکستانی ٹیم کو رواں سال ٹی 20 انٹرنیشنل کرکٹ میں 13 میچز میں شکست کا سامنا کرنا پڑ گیا، اس سے قبل کبھی ایسا نہیں ہوا۔
2022ء میں بھی پاکستانی ٹیم کو 12 شکستوں سے دوچار ہونا پڑا تھا، 2010ء میں بھی 12 شکستیں قومی کرکٹ ٹیم کا مقدر بنی تھیں۔
واضح رہے کہ 2019ء میں 8 ناکامیاں پاکستان کے ہاتھ آئیں، اس بار 13 شکستوں کا بدترین ریکارڈ بن گیا ہے، پاکستان آسٹریلیا کے خلاف سیریزمیں کوئی میچ نہیں جیت سکا۔پاکستان آسٹریلیا سے مسلسل ساتواں ٹی 20 میچ ہار گیا، پوری ٹی 20 سیریز کے دوران پاکستانی ٹیم بیٹنگ اور باؤلنگ دونوں میں فلاپ ہو گئی۔