وزارت خزانہ آئندہ 3 سال میں مہنگائی کی شرح 7 فیصد تک لانے کیلئے پرعزم
اسلام آباد: (جاگیر نیوز) وزارت خزانہ نے آئندہ تین سال کے دوران ڈیٹ سسٹین ایبلٹی اینالسز رپورٹ جاری کردی۔
رپورٹ کے مطابق آئندہ 3 سال میں مہنگائی کی شرح 7 فیصد تک لائی جائے گی، مالی سال 2025ء میں مہنگائی کی شرح 23.4 سے کم کر کے12 فیصد پرلائی جائے گی، مالی سال 2026ء میں مہنگائی کی شرح کم کر کے 7.5 فیصد جبکہ 2027ء میں مہنگائی کی شرح مزید کم کر کے7 فیصد پر لانے کا ہدف ہے۔وزارت خزانہ کی رپورٹ میں کہا گیا ہے کہ آئندہ 3 سال میں معاشی ترقی کی شرح 3.6 فیصد سے بڑھ کر 5.5 فیصد تک جا سکتی ہے جبکہ آئندہ 3 سال میں پرائمری بیلنس 1.02 سے کم ہو کر معیشت کے 0.5 فیصد پر آنے کا امکان ہے۔رپورٹ کے مطابق مالی سال 2ء025 میں معیشت میں قرضوں کا حصہ کم کرکے 68.6 فیصد پر لایا جائے گا، مالی سال 2026ء میں قرضوں کا حصہ 67.8 فیصد اور 2027ء میں معیشت میں قرضوں کا حصہ 66.6 فیصد تک لایا جائے گا۔
