بھارت کیخلاف تیسرا ٹیسٹ: ہیزل ووڈ کی آسٹریلیا کی پلیئنگ الیون میں واپسی

جوش ہیزل ووڈ فٹنس مسائل کے باعث ایڈیلیڈ ٹیسٹ نہیں کھیل سکے تھے

برسبین: (ویب ڈیسک) بھارت کے خلاف تیسرے ٹیسٹ میچ کے لیے آسٹریلیا کی جانب سے پلیئنگ الیون میں ایک تبدیلی کی گئی ہے۔
سکاٹ بولینڈ کی جگہ فاسٹ باؤلر جوش ہیزل ووڈ کی پلیئنگ الیون میں واپسی ہوئی ہے، جوش ہیزل ووڈ فٹنس مسائل کے باعث ایڈیلیڈ ٹیسٹ نہیں کھیل سکے تھے۔کپتان پیٹ کمنز نے جوش ہیزل ووڈ کی پلیئنگ الیون میں شمولیت کا اعلان کیا ہے۔پیٹ کمنز کا کہنا ہے کہ سکاٹ بولینڈ بدقسمتی سے جگہ برقرار نہیں رکھ سکے، یہ ایک مشکل فیصلہ تھا، سکاٹ بولینڈ نے ایڈیلیڈ میں اچھی باؤلنگ کی تھی لیکن ہیزل ووڈ کی واپسی سے ٹیم مزید مضبوط ہو گی۔واضح رہے کہ آسٹریلیا اور بھارت کے درمیان تیسرا ٹیسٹ میچ کل سے شروع ہو گا، دونوں ٹیموں کے درمیان 5 ٹیسٹ میچز کی سیریز ایک ایک سے برابر ہے۔