قائد اعظم بین الصوبائی گیمز : والی بال مردوں کے ایونٹ میں خیبرپختونخوا، آزاد جموں و کشمیر اور بلوچستان کی ٹیموں کی کامیابی
پی ایس بی کے زیر اہتمام جاری قائد اعظم بین الصوبائی گیمز میں کبڈی میلہ،مردوں اور خواتین بیڈمنٹن کے مقابلے شروع
اسلام آباد ( جاگیرنیوز ) پاکستان سپورٹس بورڈ کے زیر اہتمام جاری قائد اعظم بین الصوبائی گیمز میں والی بال کے مردوں کے ایونٹ میں خیبرپختونخوا، آزاد جموں و کشمیر اور بلوچستان کی کامیابی جبکہ خواتین کے ایونٹ میں بلوچستان، سندھ، خیبرپختونخوا اور اسلام آباد نے اپنے، اپنے میچز جیت لئے۔
لیاقت جمنازیم میں کھیلے گئے مردوں کے مقابلوں میں خیبرپختونخوا نے اسلام آباد کو 0-2 سے، آزاد جموں و کشمیر نے سندھ کو 0-2 سے، خیبرپختونخوا نے گلگت بلتستان کو 0-2 سےاور بلوچستان نے اسلام آباد کو
1-2 سے شکست دے کر کامیابی حاصل کرلی جبکہ خواتین کے ایونٹ میں بلوچستان نے آزاد جموں و کشمیر کو 0-2 سے، سندھ نے گلگت بلتستان کو 0-2 سے، خیبرپختونخوا نے آزاد جموں و کشمیر کو0-2 سے اور اسلام آباد نے بلوچستان کو
0-2 سے ہر کر اپنے، اپنے میچز جیت لئے۔ ان مقابلوں میں ملک بھر سے سات مرد اور خواتین ٹیموں کے کھلاڑی حصہ لے رہے ہیں جن میں پنجاب، خیبرپختونخوا، سندھ، بلوچستان، آزاد جموں و کشمیر، گلگت بلتستان اور اسلام آبادکے کھلاڑی شامل ہیں۔
قائد اعظم بین الصوبائی گیمز میں کبڈی کا میلہ شروع
پاکستان سپورٹس بورڈ کے زیر اہتمام جاری قائد اعظم بین الصوبائی گیمز میں کبڈی کا میلہ شروع پاکستان سپورٹس کمپلیکس اسلام آباد میں شروع ہو گیا ہے۔
اس موقع پر پاکستان سپورٹس بورڈ کے ڈپٹی ڈی جی سہولیات سید نوید الحسن اور ڈائریکٹر ایڈمن احتشام الحق کے علاوہ شائقینِ کی کثیر تعداد بھی موجود تھی۔ گزشتہ روز کھیلے گئے مقابلوں میں خیبرپختو نخوا، سندھ اور پنجاب نے اپنے اپنے میچز جیت لئے۔ پہلے میچ میں خیبرپختونخوا نے بلوچستان کو 12ـ86 پوائنٹس سے، دوسرے میچ میں سندھ نے اسلام آباد کو 15-54 پوائنٹس سے اور تیسرے میچ پنجاب نے گلگت بلتستان کو 8-50 سے ہرا دیا۔ (آج) منگل کو تین میچز کھیلے جائیں گے پہلے میچ میں بلوچستان کا مقابلہ آزاد جموں و کشمیر سے ہوگا۔ دوسرے میچ میں گلگت اور اسلام آباد کی ٹیمیں مدمقابل ہوں گی۔ تیسرے میچ میں پنجاب اور سندھ کی ٹیموں کا آمنا سامنا ہوگا۔ ایونٹ کا فائنل اور تیسری پوزیشن کا میچ 19 دسمبر کو کھیلا جائے گا۔ان مقابلوں میں ملک بھر سے سات مردوں کی ٹیموں کے کھلاڑی حصہ لے رہے ہیں جن میں پنجاب، خیبرپختونخوا، سندھ، بلوچستان، آزاد جموں و کشمیر، گلگت بلتستان اور اسلام آبادکے کھلاڑی شامل ہیں۔
قائد اعظم بین الصوبائی گیمز میں مردوں اور خواتین بیڈمنٹن کے مقابلے شروع ہو گئے
پاکستان سپورٹس بورڈ کے زیر اہتمام جاری قائد اعظم بین الصوبائی گیمز میں مردوں اور خواتین بیڈمنٹن کے مقابلے روڈھم ہال میں شروع ہو گئے ہیں۔
ان مقابلوں میں ملک بھر سے سات مردوں اور خواتین ٹیموں کے کھلاڑی حصہ لے رہے ہیں جن میں پنجاب، خیبرپختونخوا، سندھ، بلوچستان، آزاد جموں و کشمیر، گلگت بلتستان اور اسلام آبادکے کھلاڑی شامل ہیں۔ یہ مقابلے 19 دسمبر تک جاری رہیں گے۔
