امریکہ، آرکنساس ایئرپورٹ پر کھڑے مسافر طیارے پر آسمانی بجلی گر گئی
امریکی طیارہ طوفانی موسم میں رن وے پر اترا تھا، فوٹو: ویڈیو گریب
واشنگٹن: امریکی ریاست آرکنساس کے ایئرپورٹ کے رن وے پر کھڑے مسافر طیارے پر آسمانی بجلی گر گئی جس کی ویڈیو سوشل میڈیا پر وائرل ہوگئی۔
امریکی نشریاتی ادارے کے مطابق ریاست آرکنساس کے ایئرپورٹ پر امریکی ایگل کا مسافر بردار طیارہ خراب موسم میں رن وے پر اتراتھا،اس وقت ہلکی بارش ہو رہی تھی اور آسمان پر بجلیاں کڑک رہی تھیں۔
American Eagle plane struck by lightning at the Little Rock Airport in Arkansas yesterday. pic.twitter.com/rjZgQRjdtj
— Citizen Free Press (@CitizenFreePres) June 26, 2023
مسافر بھی ہاتھوں میں چھتری لیے جہاز سے اترنے کی تیاری کر رہے تھے،بجلی کڑکنے کی زور دار آوازوں سے پورا ایئرپورٹ گونج رہا تھا، اسی دوران اک آن میں آسمانی بجلی طیارے کی دم پر گر گئی،اس خوفناک منظر کی ویڈیو سی سی ٹی وی کیمروں میں محفوظ ہوگئیاور کسی نے ویڈیو کو سوشل میڈیا پر وائرل کر دیا۔
امریکی ایوی ایشن کے ترجمان نے بتایا کہ طیارے سے مسافر بحفاظت اتر گئے تھے، بجلی گرنے کے بعد تکنیکی ماہرین نے طیارے کی جانچ پڑتال کی، طیارے کو کوئی نقصان نہیں پہنچا تھا.
