امارات نے پاکستان کیلئے 2 ارب ڈالر ڈپازٹس کی مدت میں توسیع کردی

ڈیپازٹ کی مدت میں توسیع سے پاکستان کے زرمبادلہ کے ذخائر کو برقرار رکھنے اور معاشی ترقی میں مدد ملے گی

کراچی: (جاگیرنیوز) متحدہ عرب امارات نے پاکستان کیلئے 2 ارب ڈالر ڈپازٹس میں ایک سال کی توسیع کر دی۔
سٹیٹ بینک آف پاکستان کے مطابق ڈیپازٹس کی معیاد آج ختم ہو رہی تھی، تاہم متحدہ عرب امارات کی جانب سے 2 ارب ڈالر ڈیپازٹ میں ایک سال توسیع کر دی گئی ہے۔مرکزی بینک کا کہنا ہے کہ یو اے ای نے پاکستان کو مالی دباؤ سے بچانے اور اقتصادی پوزیشن کو بہتر کرنے کا موقع فراہم کیا، ڈیپازٹ کی مدت میں توسیع سے پاکستان کے زرمبادلہ کے ذخائر کو برقرار رکھنے اور معاشی ترقی میں مدد ملے گی۔