حلف برداری تقریب: نومنتخب امریکی صدر ڈونلڈ ٹرمپ کیپٹل ہل پہنچ گئے
ڈونلڈ ٹرمپ کی حلف برداری تقریبات کا آغاز سینٹ جان چرچ میں دعائیہ تقریب سے ہوا، ڈونلڈ ٹرمپ کی حلف برداری کیپٹل ہل میں ہورہی ہے جہاں ٹرمپ کے حامیوں کی بڑی تعداد موجود ہے
واشنگٹن: (جاگیر نیوز) نومنتخب امریکی صدر ڈونلڈ ٹرمپ حلف برداری کی تقریب میں شرکت کیلئے کیپٹل ہل پہنچ گئے جہاں کچھ دیر بعد وہ اپنے عہدے کا حلف اٹھائیں گے۔
ڈونلڈ ٹرمپ کی حلف برداری تقریبات کا آغاز سینٹ جان چرچ میں دعائیہ تقریب سے ہوا، ڈونلڈ ٹرمپ کی حلف برداری کیپٹل ہل میں ہورہی ہے جہاں ٹرمپ کے حامیوں کی بڑی تعداد موجود ہے۔ غیر ملکی میڈیا کے مطابق نومنتخب نائب صدر جے ڈی وینس بھی آج ہی اپنے عہدے کا حلف اٹھائیں گے اور ڈونلڈ ٹرمپ کے ساتھ سٹیج پر موجود ہوں گے، عہدے کا حلف اٹھانے کے بعد ٹرمپ قوم سے خطاب کریں گے۔رپورٹ کے مطابق واشنگٹن میں سخت سردی اور درجہ حرارت منفی 11 ڈگری سیلسیئس تک جانے کی پیشگوئی کے باعث حلف برداری تقریب کو کیپٹل کی ہل عمارت کے اندر منعقد کیا جارہا ہے۔امریکی میڈیا کے مطابق تقریب حلف برداری میں دیگر اہم مہمانوں سمیت سبکدوش ہونے والے صدر جو بائیڈن بھی اپنی اہلیہ کے ساتھ شریک ہوں گے جب کہ نائب صدر کملا ہیرس بھی تقریب میں موجود ہوں گی، سابق صدر جارج بش، باراک اوباما اور بل کلنٹن بھی تقریب حلف برداری میں شریک ہوں گے۔
