ذکاءاشرف نے ایشیاء کپ کے میچز پاکستان میں کروانے کی تجویز دیدی
ایشیاء کپ بڑا ٹورنامنٹ ہے بارش سے متاثر نہیں ہونا چاہیے،ذکا اشرف-فوٹو:فائل
ذکاءاشرف نے ایشیاء کپ کے میچز پاکستان میں کروانے کی تجویز دیدی
ایشیاءکپ ایک بڑا ٹورنامنٹ ہے بارش کی وجہ سے اس کو متاثر نہ کیا جائے،ایشین کرکٹ کونسل کے صدر جے شاہ نے جواب میں صورتحال پر غور کرنے کی یقین دہانی کروا دی
لاہور: چیرمین مینجمنٹ کمیٹی پاکستان کرکٹ بورڈ (پی سی بی) ذکاء اشرف نے ایشین کرکٹ کونسل (اے سی سی) کے صدر جے شاہ سے ٹیلی فون پر رابطہ کیا ہے۔
ذکاء اشرف نے ایشین کرکٹ کونسل کے صدر جے شاہ سے سری لنکا میں بارش سے متاثر ہونے والے پاکستان اور بھارت کے میچ پر بات چیت کی ۔ چیئرمین مینجمنٹ کمیٹی نے ایشیاء کپ کے میچز پاکستان میں کروانے کی تجویز دے دی۔
ذکاء اشرف کا موُ قف ہے کہ سری لنکا میں مزید بارشوں کا امکان ہے لہٰذا آنے والے دنوں کے لیے سری لنکا میں موسم کی صورتحال کا جائزہ لیا جائے ۔ایشیاء کپ کے پاک بھارت میچز دبئی میں بھی کھیلے جاسکتے ہیں۔ایشیاءکپ ایک بڑا ٹورنامنٹ ہے بارش کی وجہ سے اس کو متاثر نہ کیا جائے ۔ایشین کرکٹ کونسل کے صدر جے شاہ نے جواب میں صورتحال پر غور کرنے کی یقین دہانی کروا دی۔
