تمام مشاورت مکمل، ورلڈ کپ کیلئے قومی سکواڈ کا اعلان جمعہ کو ہوگا

ریزرو کھلاڑی میچ کے دن سٹیڈیم کی بجائے ہو ٹل میں ہی رہیں گے-فوٹو:ٹوئٹر

قومی کرکٹ ٹیم ورلڈ کپ میں شرکت کیلئے 27 ستمبر کو بھارت کیلئے اُڑان بھرے گی،
لاہور: آئی سی سی ورلڈ کپ2023ء کیلئے 15رکنی قومی سکواڈ کا اعلان جمعہ چیف سلیکٹر انضمام الحق پریس کانفرنس کے دوران کریں گے۔پی سی بی ذرائع کے مطابق سکواڈ کے حوالے سے تمام مشاورت مکمل کرلی گئی ہے قومی ٹیم کا حتمی اعلان جمعہ کو صبح 11 بجکر 15 منٹ پر چیف سلیکٹر انضمام الحق پریس کانفرنس کے دوران کریں گے، سکواڈ کا آج اعلان ہونا تھا مگر کچھ وجوہات اور حتمی مشاورت کی وجہ سے نہیں ہو سکا۔ذرائع کے مطابق قومی کرکٹ ٹیم آئی سی سی ورلڈ کپ میں شرکت کیلئے 27 ستمبر کو بھارت کیلئے اُڑان بھرے گی، قومی کرکٹ ٹیم کا پہلا وارم اپ میچ 29 ستمبر کو نیوزی لینڈ کیخلاف شیڈول ہے۔قومی کرکٹ ٹیم کا دستہ 15 کھلاڑیوں پر مشتمل ہو گا، 3 کھلاڑی بطور ریزرو ٹیم کے ساتھ سفر کریں گے ، ریزرو کھلاڑی میچ کے دن سٹیڈیم کی بجائے ہو ٹل میں ہی رہیں گے۔