دی جنریٹر از بیک؛ حسن علی کی ٹویٹ وائرل

الحمد اللہ، ورلڈ کپ میں اپنے ملک کی نمائندگی کرنا میرے لیے ناقابل بیان ہے-فائل: فوٹو

ان شاءاللہ، میں پاکستان کے لیے اچھی کارکدگی دکھانے کی کوشش کروں گا
کراچی: پاکستان ٹیم کے فاسٹ بولر حسن علی ورلڈ کپ 2023ء کے اسکواڈ میں شمولیت کے بعد انتہائی خوش نظر آتے ہیں اور انہوں نے اس حوالے سے ٹویٹس بھی کی ہیں۔حسن علی نے اپنی ایک ٹویٹ میں کیپشن کے ساتھ ایک پوسٹر بھی جاری کیا ہے جس پر لکھا ہے کہ ’’دی جنریٹر از بیک‘‘۔فاسٹ بولر کا کہنا ہے کہ ’’شکر الحمد اللہ، ورلڈ کپ میں اپنے ملک کی نمائندگی کرنا میرے لیے ناقابل بیان ہے۔ ان شاءاللہ، میں پاکستان کے لیے اچھی کارکدگی دکھانے کی کوشش کروں گا‘‘۔
GATXUWWYDFFHN4SK64F6H3X6UVUCRGMR6BXJ4JAPT2MMG5QI5VRQLQNE
حسن علی کا کہنا تھا کہ ’’مجھے اور قومی ٹیم کو اپنی دعاؤں میں یاد رکھیں، شائقین کا شکرگزار ہوں جنہوں نے ہمیشہ میری حمایت کی‘‘۔واضح رہے کہ فاسٹ بولر حسن علی کو انجری کا شکار نسیم شاہ کی جگہ ورلڈ کپ اسکواڈ میں شامل کیا گیا ہے۔ورلڈ کپ 5 اکتوبر سے 19 نومبر تک بھارت میں کھیلا جائے گا۔ ورلڈ کپ سے قبل پاکستانی ٹیم 29 ستمبر کو نیوزی لینڈ اور 3 اکتوبر کو آسٹریلیا کے خلاف دو وارم اَپ میچز کھیلے گی۔ وہ ورلڈ کپ میں اپنا پہلا میچ 6اکتوبر کو نیدر لینڈ کے خلاف کھیلے گی۔قومی ٹیم کے 15 رکنی اسکواڈمیں کپتان بابر اعظم، امام الحق، فخر زمان، عبداللہ شفیق، وکٹ کیپر محمد رضوان، سلمان علی آغا، افتخار احمد، سعود شکیل، وائس کپتان شاداب خان، محمد نواز، اسامہ میر، محمد وسیم جونیئر، شاہین شاہ آفریدی، حارث روف اور حسن علی جبکہ محمد حارث، زمان خان اور ابرار احمد ریزرو کھلاڑیوں میں شامل ہیں۔