چین کا کراچی تا پشاور ریلوے لائن کیلئے ساڑھے 6 ارب ڈالر کی نظرثانی شدہ لاگت پر اتفاق

معاہدے کا اعلان نگران وزیراعظم کے 18 اکتوبر کو دورہ چین کے دوران متوقع- فوٹو: فائل

کراچی تا پشاور ریلوے لائن 6 ارب 50 کروڑ ڈالر کا ایم ایل ون منصوبہ، پاک چین کے درمیان فنانسنگ طے
اسلام آباد: چین نے کراچی تا پشاور ریلوے لائن کیلئےنظرثانی شدہ لاگت پر اتفاق کرلیااورمنصوبے کا ترمیم شدہ ڈیزائن پلان 31 اکتوبر تک پاکستان کو پیش کیا جائے گا، جو کراچی تا پشاور 1872 کلو میٹر ریلوے ٹریک منصوبہ ہے۔چین نے مین لائن۔ ون کیلئے 6 ارب 60 کروڑ ڈالر کی نظرثانی شدہ لاگت پر اتفاق کر لیا ہے باخبر ذرائع نے بتایا کہ سیکریٹری مواصلات خرم آغا پاکستان کی جانب سے سی پیک جوائنٹ ورکنگ گروپس (جے ڈبلیو جی) برائے ایوی ایشن، ریلوے اور انفرااسٹرکچر کے سربراہ ہیں اور سیکریٹری ریلوے مظہر علی شاہ لاگت اور اس سے متعلقہ معاملات کو حتمی شکل دینے کیلئے پیر کو جے ڈبلیو جی اجلاس میں شرکت کیلئے اسی ہفتے کے آخر میں بیجنگ جائیں گے۔معاہدے کا باقاعدہ اعلان نگران وزیراعظم انوار الحق کاکڑ کے 18 اکتوبر کو ون بیلٹ اینڈ روڈ انیشیٹو سے متعلق سالانہ تقریبات میں شرکت کے لیے دورہ چین کے دوران متوقع ہے۔ذرائع کے مطابق ایم ایل۔1 کی لاگت کا تخمینہ پہلے تقریباً 9 ارب 80 کروڑ ڈالر لگایا گیا تھا تاہم چین نے کچھ لچک دکھائی اور ڈیزائن کی چند تبدیلیوں سے لاگت کم کرنے میں مدد ملی، اسی طرح منصوبے کے کچھ دوسرے حصے مقررہ وقت پر خود پاکستان ڈیولپ کرے گا۔