احمد آباد میں پاکستانی کرکٹرز کی نقل وحرکت محدود
انتظامیہ عوامی مقامات سے دور رکھنے کی خواہاں، ہوٹل میں تفریحی سرگرمیوں کا انتظام- فوٹو: اے ایف پی
مارا بہت اچھا وقت گذرا،2 بار ڈنر کیلئے باہر گئے، ایک بار بریانی کھائی،پاکستانی کرکٹرز
کراچی: احمد آباد میں پاکستانی کرکٹرز کی نقل وحرکت محدود رہے گی،ایئرپورٹ پر زبردست استقبال ہوا، ہوٹل کا اسٹاف بہت اچھا تھا اور ہمارا بہت خیال رکھا،امید ہے دیگر شہروں میں بھی ایسی ہی مہمان نوازی ہوگی ،ہمارا بہت اچھا وقت گذرا،2 بار ڈنر کیلئے باہر گئے، ایک بار بریانی کھائی دوسری بار کباب وغیرہ سے لطف اندوز ہوئے، آرچری اور گوکارٹنگ سے دل بہلایا جبکہ شاپنگ کا بھی موقع ملا،پاکستانی کرکٹ ٹیم بدھ کے روز چارٹرڈ فلائٹ پر حیدرآباد سے احمد آباد پہنچی تھی، بھارت سے مقابلہ ہفتے کو ہونا ہے، گزشتہ روز کھلاڑیوں نے پریکٹس کی، یہ سلسلہ جمعہ کو بھی جاری رہے گا، حیدرآباد کے برعکس احمد آباد میں گرین شرٹس کو زیادہ احتیاط برتنا ہوگی۔
https://x.com/TheRealPCB/status/1712532570867642586?s=20
ذرائع کے مطابق میزبان اعلیٰ حکام نے میٹنگ میں واضح کردیا کہ گو کہ پاکستانی ٹیم کو سیکیورٹی کے حوالے سے کوئی خطرات نہیں ہیں لیکن پھر بھی احمد آباد میں زیادہ احتیاط برتنا ہوگی، ہم نہیں چاہتے کہ کسی عوامی مقام پر کھلاڑی جائیں اور کہیں سے کوئی منفی نعرے بازی وغیرہ ہو جائے، اس سے خوامخواہ کی بدمزگی ہوگی، البتہ پھر بھی اگر پلیئرز کہیں ڈنر وغیرہ کے لیے جانا چاہیں تو پیشگی اطلاع کریں انتظامات کر دیئے جائیں گے۔
https://x.com/TheRealPCB/status/1712535216580157449?s=20
ذرائع نے بتایا کہ آمد سے قبل ہی ٹیم کو بخوبی اندازہ تھا کہ احمد آباد میں زیادہ احتیاط سے کام لینا ہوگا،ویسے بھی وہاں چند روز ہی گذارنے ہیں،میچ کے اگلے دن اتوار کو اسکواڈ بنگلورو روانہ ہو جائے گا، ٹیم مینجمنٹ نے ہوٹل میں ہی کرکٹرز کیلئے پول ٹیبل لگوا دی، ساتھ ٹیبل ٹینس کھیلنے کیلئے بھی انتظام کر دیا ہے، سوئمنگ و ٹریننگ کے مواقع بھی موجود ہیں۔ایک کھلاڑی نے بتایا کہ حیدرآباد میں ہمارا بہت اچھا وقت گذرا،2 بار ڈنر کیلئے باہر گئے، ایک بار بریانی کھائی دوسری بار کباب وغیرہ سے لطف اندوز ہوئے، آرچری اور گوکارٹنگ سے دل بہلایا جبکہ شاپنگ کا بھی موقع ملا، وہاں ایئرپورٹ پر زبردست استقبال ہوا، ہوٹل کا اسٹاف بہت اچھا تھا اور ہمارا بہت خیال رکھا،امید ہے دیگر شہروں میں بھی ایسی ہی مہمان نوازی ہوگی۔
