انگلینڈ کو بڑا دھچکا، فاسٹ بولر ریس ٹوپلے ہاتھ کی انگلی میں فریکچر کے باعث ورلڈ کپ سے باہر
ریس ٹوپلےجنوبی افریقہ کے خلاف میچ میں فیلڈنگ کے دوران انجری کا شکار ہوئے تھے،ای سی بی-فوٹو: فائل
ورلڈ کپ کے دوران انگلینڈ کو بڑا دھچکا لگ گیا، اہم بولر انجری کے باعث ٹورنامنٹ سے باہر ہو گئے۔
انگلش کرکٹ بورڈ کے مطابق فاسٹ بولر ریس ٹوپلے بائیں ہاتھ کی انگلی میں فریکچر کے باعث ورلڈ کپ کے باقی میچز نہیں کھیل سکیں گے۔ وہ ہفتہ کو جنوبی افریقہ کے خلاف میچ میں فیلڈنگ کے دوران انجری کا شکار ہوئے تھے۔ای سی بی نے مزید کہا کہ ریس ٹوپلے اگلے 24 گھنٹوں میں بھارت سے واپس برطانیہ روانہ ہوجائیں گے جہاں میڈیکل ٹیمیں انکا معائنہ کریں گی۔ ای سی بی نے ریس ٹوپلی کے متبادل کا اعلان نہیں کیا۔واضح رہے کہ دفاعی چیمپئن انگلینڈ ورلڈ کپ میں اب تک اپنے چار میچوں میں سے صرف ایک میچ جیتنے میں کامیاب ہوا ہے اور اب وہ پوائنٹس ٹیبل میں نویں نمبر پر ہے۔ہفتہ کو وانکھیڈے اسٹیڈیم ممبئی میں جنوبی افریقہ نے انگلینڈ کو 229 رنز سے شکست د تھی۔ جنوبی افریقا نے انگلینڈ کو جیت کیلئے 400 رنز کا پہاڑ جیسا ہدف دیا تھا جس کے جواب میں انگلش ٹیم 177 رنز پر ڈھیر ہوگئی تھی۔
