سعودی عرب کا تاریخی شہر العلا دنیا کے 7 عجوبوں کی فہرست میں شامل
جدہ،سعودی عرب کے شمال میں واقع ثقافتی شہر العلا کو 2023َء کے دنیا کے سات عجائب میں شامل کر لیا گیا۔
تاریخی اور ثقافتی ورثہ ہونے کے باوجود کچھ عرصہ پہلے تک اس جگہ کے متعلق جزیرہ نما عرب سے باہر بہت کم لوگ جانتے تھے یا بہت کم لوگون نے اس جگہ کو دیکھ رکھا تھا۔
2023ء کے عجائب کی فہرست مرتب کرنے والے ایوارڈ یافتہ سفرنامہ نگار آرون مِلر کے مطابق جب 2022 ءکے آخر میں اس جگہ کو سرکاری طور پر سیاحوں کےلیے کھولا گیا توعرب کی 2 لاکھ برس پُرانی تاریخ سامنے آئی۔
العلا سعودی عرب کے شمال مغربی صحرا میں واقع ہے جس زیادہ تر حصہ ابھی بھی غیر دریافت شدہ ہے۔ ایک اندازے کے مطابق اس علاقے کا صرف 5 فی صد حصہ کی کھدائی کی گئی ہے۔
یونیسکو ورلڈ ہیریٹیج قرار دیئے گئے مقام الحجر چٹانوں کو کاٹ کر بنائے جانے والے مقبروں کی وجہ سے مشہور ہے۔
العلا کے ساتھ آرون مِلر نے فرانس کے مونٹ سینٹ مائیکل، ارجنٹینا کے پیریٹو مورینو گلیشیئر، بھوٹان کے ٹائیگرز نیسٹ مونیسٹری، ترکیہ کے کیپاڈوچیا، برطانئی کی لیک ڈسٹرکٹ اور جنوبی افریقا کی سارڈائن رن کو 2023ء کے سات عجائب کی فہرست میں شامل کیا۔
