30 سیکنڈ میں 63 پینسلوں کو توڑنے کا عالمی ریکارڈ

-فائل: فوٹو

آئڈاہو: امریکا کے ایک شہری جن کے نام پر 250 سے زائد گنیز ورلڈ ریکارڈ پہلے سے ہی موجود ہیں، انہوں نے ایک اور اعزاز اپنے حصے میں شامل کرلیا ہے۔امریکی ریاست آئڈاہو کے رہائشی ڈیوڈ رش محض 30 سیکنڈز میں 63 پینسلوں کو توڑ کر گنیز ورلڈ ریکارڈ میں اپنی ایک اور جگہ بنانے میں کامیاب ہوگئے ہیں ڈیوڈ رش نے بتایا کہ ابتدائی طور پر تو انہیں 30 سیکنڈ کی مدت میں 50 پینسلیں توڑنا بھی بہت مشکل لگ رہا تھا لیکن انہوں نے ہمت نہیں ہاری۔انہوں نے بتایا کہ پینسلیں توڑنے سے پہلے میں نے ایک لچکدار لکڑی کے ذریعے اپنے ہاتھوں کی طاقت اور ہینڈ گریپرز سے گرفت پر کنٹرول حاصل کرنے کی مشق کی۔ یہی وجہ ہے کہ ریکارڈ والے دن میں نے پہلے سے طے شدہ پینسلوں کی تعداد سے 2 زائد پینسلیں بھی توڑ ڈالیں۔