دنیا میں سب سے پہلے سال نو کا آغاز نیوزی لینڈ ،چند لمحوں بعد آسٹریلیا سے ہوا،شاندار آ تشبازی
نیوزی لینڈ میں شاندار آتش بازی سے سال نو کا استقبال آکلینڈ کے معروف مقامات کو برقی قمقموں سے سجایا گیا تھا-فوٹو:ایکس
https://x.com/WeatherWatchNZ/status/1741414079091376133?s=20
آکلینڈ: دنیا بھر میں آج مختلف اوقات میں سال نو کا آغاز ہونے جا رہا ہے اور سب سے پہلے یہ مرحلہ نیوزی لینڈ میں آیا۔
نیوزی لینڈ میں شاندار آتش بازی سے سال نو کا استقبال کیا گیا۔ آکلینڈ کے معروف مقامات کو برقی قمقموں سے سجایا گیا تھا۔ موسیقی اور رنگا رنگ تقاریب منعقد کی گئیں۔آکلینڈ کے اسکائی ٹاور پر سال نو منانے والوں کا جم غفیر موجود تھا۔ سب نے مل کر کاؤنٹ ڈاؤن کیا اور جیسے تاریخ تبدیل ہوئی اسکائی ٹاور جگمگا اٹھااور شاندار آتش بازی کی گئی۔سال نو کا باقاعدہ آغاز نیوزی لینڈ اور پھر چند لمحوں بعد آسٹریلیا سے ہوا۔
Happy New Year from Auckland New Zealand. Let’s hope for a peaceful 2024 pic.twitter.com/agfvRC0fSH
— Andrew Dykes (@Andrew_S_Dykes) December 31, 2023
سڈنی ہاربر پر شاندار آتش بازی کی گئی۔ لندن، نیویارک کے ٹائمز اسکوائر، ہانگ کانگ کے وکٹوریا ہاربر، تھائی لینڈ کے شاپنگ سینٹر آئیکون سیام سمیت درجنوں مقامات پر سال نو کا آغاز کیاجائے گا۔متحدہ عرب امارات، مراکش اور پاکستان سمیت کئی اسلامی ممالک نے سال نو کی تقریبات کو فلسطینیوں سے اظہار یکجہتی اور اسرائیلی جارحیت کے خلاف احتجاجاً منسوخ کردیں۔
ویسے تو دنیا میں سب سے پہلے 2024ء کا آغاز وسطی بحرالکاہل کے جزائر ٹونگا اور کیریباتی میں ہوا لیکن یہاں انسانی آبادی نہ ہونے کے برابر ہوتی ہے اس لیے کوئی تقریب منعقد نہیں ہوتی۔
