بجلی کی فی یونٹ قیمت میں 4 روپے 12 پیسے کا اضافہ مہنگائی کے ستائے عوام کیلئے بری خبر
حالیہ اضافے میں فیول پرائس اور بقایا جات کی مد میں وصولیاں شامل ہیں ، موجودہ اضافہ بجلی صارفین سے جنوری کے بلوں میں وصول کیا جائے گا0-
نوٹی فکیشن کے مطابق بجلی کی قیمتوں میں حالیہ اضافے کا اطلاق کے الیکٹرک صارفین پر نہیں ہوگا
اسلام آباد: مہنگائی کے ستائے عوام کیلئے بری خبر آگئی ، ایک ماہ کیلئے بجلی کی فی یونٹ قیمت میں 4 روپے 12 پیسے کا اضافہ کردیا گیا ۔بجلی کی قیمتوں میں اضافہ نومبر کے فیول پرائس ایڈجسٹمنٹ کی مد میں کیا گیا ہے ، نیپرا اتھارٹی نے قیمتوں میں اضافے کا نوٹیفکیشن جاری کر دیا۔سی پی پی اے نے فیول پرائس کی مد میں 4 روپے 66 پیسے کا اضافہ مانگا تھا، نیپرا اتھارٹی نے گزشتہ ہفتے سماعت کے بعد فیصلہ محفوظ کیا تھا۔نوٹی فکیشن کے مطابق بجلی کی قیمتوں میں حالیہ اضافے کا اطلاق کے الیکٹرک صارفین پر نہیں ہوگا، حالیہ اضافے میں فیول پرائس اور بقایا جات کی مد میں وصولیاں شامل ہیں ، موجودہ اضافہ بجلی صارفین سے جنوری کے بلوں میں وصول کیا جائے گا۔
