بجلی کا شارٹ فال 4 ہزار میگا واٹ سے متجاوز، گھنٹوں لوڈشیڈنگ معمول

ملک بھر میں بجلی کے ترسیلی نظام میں جگہ جگہ فالٹ آ رہے ہیں،بجلی کی مجموعی طلب 15 ہزار500 میگاواٹ-

لاہور: ملک بھر میں بجلی کا شارٹ فال 4 ہزار میگا واٹ سے متجاوز کر جانے سے گھنٹوں لوڈ شیڈنگ معمول بن گئی۔
پاورڈویژن ذرائع کے مطابق آج بجلی کا شارٹ فال 4770 میگاواٹ ہے، بجلی کی مجموعی طلب 15 ہزار500 میگاواٹ ہے جبکہ ملک بھر میں بجلی کے ترسیلی نظام میں جگہ جگہ فالٹ آ رہے ہیں۔ذرائع پاور ڈویژن نے بتایا ہے کہ پن بجلی سے 660 میگاواٹ بجلی بنائی جارہی ہے، سرکاری تھرمل پاور پلانٹس سے 1400میگاواٹ بجلی پیدا کی جارہی ہے، آئی پی پیز مجموعی طور پر 6500 میگاواٹ تک بجلی بنا رہے ہیں۔ذرائع کا مزید کہنا ہے کہ نیوکلیئر سے 1600 میگاواٹ ، ونڈ سے 500 میگاواٹ، بگاس سے 48 میگاواٹ جبکہ سولر سے 22 میگاواٹ بجلی بنائی جارہی ہے۔