مودی کو مسخرہ کہنے پر مالدیپ کے 3 وزراء عہدوں سے ہاتھ دھو بیٹھے

صدر مالدیپ محمد معیزو نے 3 وزراء کی معطلی اور ان کے خلاف تحقیقات کا حکم دے دیا-

مالدیپ: بھارتی وزیر اعظم نریندر مودی کو مسخرہ کہنے پر مالدیپ کی حکومت نے اپنے 3 وزراء کو عہدوں سے ہٹا دیا۔
مالدیپ میڈیا کے مطابق حکومت نے اپنے 3 نائب وزیروں کو سوشل میڈیا پر بھارتی وزیراعظم کا مذاق اڑانے کے الزام میں معطل کر دیا۔مالدیپ امور نوجوان کی نائب وزیر مریم شعونہ سمیت مالسا شریف اور محزوم ماجد نے سوشل میڈیا پر بھارتی وزیراعظم نریندر مودی کو دہشت گرد،اسرائیلی یہودی لابی کی کٹھ پتلی اور مسخرہ قرار دیا تھا۔صدر مالدیپ محمد معیزو نے 3 وزراء کی معطلی اور ان کے خلاف تحقیقات کا حکم دے دیا۔