فلموں میں بولڈ مناظر پر اہلیہ ناراض رہتی تھیں، عمران ہاشمی
ایسے مناظر کرنے چھوڑ دیئے تو اب میری بیگم کو کوئی مسئلہ نہیں ہوت،اداکار عمران ہاشمی -فوٹو : فائل
بیگم کے کہنے پر ہی اس طرح کے سین سے رکا ہوں، بہت ساری فلموں میں ایسے سین کی ضرورت ہی نہیں تھی،
ممبئی: بھارت کے نامور اداکار عمران ہاشمی نے انکشاف کیا ہے کہ فلموں میں بولڈ (نازیبا اور غیر اخلاقی) مناظر کی وجہ سے اُن کی اہلیہ ناراض رہتی تھیں۔حال ہی میں دیے گئے انٹرویو میں اداکار سے فلموں میں خاص مناظر پر اہلیہ کے ردعمل کے حوالے سے سوال کیا گیا۔ اس پر عمران ہاشمی نے بتایا کہ ’بولڈ مناظر کی وجہ سے اکثر بیوی کی ناراضی کا سامنا رہتا تھا‘۔اداکار نے بتایا کہ ایسے مناظر کرنے چھوڑ دیے تو اب میری بیگم کو کوئی مسئلہ نہیں ہوتا۔ عمران ہاشمی نے بولڈ مناظر سے رکنے کی وجہ بھی اہلیہ کو قرار دیتے ہوئے کہا کہ ’بیگم کے کہنے پر ہی اس طرح کے سین سے رکا ہوں، اور اب خیال آتا ہے کہ بہت ساری فلموں میں ایسے سین کی ضرورت ہی نہیں تھی‘۔عمران ہاشمی نے ساتھ ہی انکشاف کیا کہ ان کی نئی ویب سیریز ’شو ٹائم‘ میں بھی ایسا سین ہے اور جب ان کی اہلیہ اسے دیکھیں گی تو پھر ان کیلئے مسئلہ ہوگا۔
