کراچی ٹیسٹ میں قومی ٹیم کی ناقص کارکردگی پر شان ٹیٹ نالاں
کراچی: پاکستان کرکٹ ٹیم کی ناقص کارکردگی پر نالاں بولنگ کوچ شان ٹیٹ نے کہا ہے کہ پاکستانی فاسٹ بولرز کو ہر فارمیٹ میں کھلانا مناسب نہیں ہے۔
نیوز کے مطابق پاکستان کرکٹ ٹیم کی ناقص کارکردگی سے نالاں آسٹریلیا سے تعلق رکھنے والے بولنگ کوچ شون ٹیٹ نے منعقدہ پریس کانفرنس میں نامناسب رویہ اپنایا اور انتہائی اکتاہٹ کے ساتھ مختصر انداز میں جوابات دیئے۔
دوسرے ٹیسٹ کے چوتھے روز کے کھیل کے اختتام پر میڈیا سے گفتگو کرتے ہوئے انہوں نے کہا کہ پاکستانی فاسٹ بولرز کو ہر فارمیٹ میں کھلانا مناسب نہیں۔
شان ٹیٹ کا کہنا تھا کہ میں اس بات سے متفق ہوں کہ فاسٹ بولرز کو آرام دینا چاہیے، فاسٹ بولر کے لیے ٹیسٹ میچ اتنا مناسب نہیں رہا، میں بطور بولنگ کوچ اپنی کارکردگی سے مطمئین ہوں۔
آسٹریلیا سے تعلق رکھنے والے قومی ٹیم کے بولنگ کوچ نے کہا کہ ابھی ایک دن کا کھیل باقی ہے، ہم میچ بھی جیت سکتے ہیں۔
انہوں نے نیوزی لینڈ کے چیف سلیکٹر کے انتقال کے حوالے سے سوال پر کہا کہ میں جمیز کیمرون کو نہیں جانتا۔
واضح رہے کہ انگلینڈ کے خلاف ٹی ٹونٹی سیریز کے میچ کے بعد پریس کانفرنس کے لیے آنے والے شان ٹیٹ نے برملا کہا تھا کہ ناقص کارکردگی کے بعد مجھے میڈیا کا سامنا کرنے کے لیے بھیج دیا جاتا ہے۔
